Mipil thum te Herod kiang ah vahawhna, Mate 2:3-8

Herod mangpi pa thuneihna tawh Mipil te khualzinna nawngkai sak hi.

Magi kici mipil thum te in Herod kiang ah Kumpi ding naungek khat hong suak aa a vabia ding in kong pai uh hi ci in ngen uh hi.

Mithat kumpi Herod,Rome gam ah thunei pa, ama kumpi zaa a tuh khak ding a lauluat man in naungek Zeisu deihlo hi.

Herod pen Jew minam te hilo napi in Rome pan ukna thupha piak ngahkha ahih man in Israel te uk veve hi. A zite sung pan khat bek mah Jew minam te ahi hi.

Greek lai in, Herod akhiatna in heroic ahi hi.

Anung laimai tung a thute:

    Mipil thum te kiang Herod in a genkikna – Miciimte

3 Kumpi Herod in hih thu a zak ciangin lamdangsa mahmah a, Jerusalem khuami khempeuh in zong lamdang a sa ciat uh hi. 4 Tua ahih manin Herod in siampi liante leh Thukham hilh siate khempeuh kaikhawm a, ̶o;Koi lai-ah Khrih suak ding ahi hiam?” ci-in a dong hi. 5-6 Amaute in, “Kamsangpa in a lai gelhna sungah,

      ‘Judah gamah a om Bethlehem khua aw,
      ka mi Israel-te a uk dingin
      nangma sung panin ukpa khat
      hong piang ding ahih manin
      Judah gam a uk khuate lakah
      a neu na hi het kei hi,’
      ci ahih manin Judea gamsung Bethlehem khua-ah suak ding hi,” ci-in a dawng uh hi.

7 Tua ciangin Herod in tua mipilte samsim a, aksi a kilat hun teltakin a dot khit ciangin, 8 Bethlehem khua-ah a paina dingun sawl a, “Tua naungek limtakin va zong un la, kei zong hong pai-in amah ka biak theihna dingin na muh khit uh ciangin kei kiangah thu hong zasak un,” ci-in a vaikhak hi.
Matthai 2:3-8

Theihding thu omlai:

Herod mangpi pa pen Idumean mi khat hi aa BC 37 sung kumpi hi in BC4 in si hi.

BC37 -BC4 sung in Palestine uk hi.

Koi Herod pen koi zaw cih bang ci zon ding ii hiam.

Laisiangtho sung ah HEROD min pawlkhat om hi, Herod mangpi pa pan ki pan aa amah pen spring hun (March, April, May)BC4 sung in si hi. Laisiangtho sung aa om Herod cih thulu tawh amau min in hongpai suk suk aa ukna nei min pawl khat te ahi uh hi. gentehna in Herodian Kumpi zaluahna.


Hih unit sung ah a dang sinna te: