Kumpi Herod a sihzawh Vantung mi in Joseph kiang ah Mazih leh Zeisu na gam uh ahi Israel gam ah ciah pih kik in ci-in thu a pia hi.
Zeisu kum nih leh kum nga kikal sung hi ta hi.
Juda gam thukhun hoihlo hang in Joseph ii mang sung ah Galilee gam Nazareth ah pai un cih thu ngah hi.
Kamsang te ngennop na a kicin nang ahi hi: Bethelehem khua suak ahi zong in “Nazareth mi Zeisu kici ding hi”.
Anung laimai tung a thute:
Egypt Gam Pan Ciahkikna
19 Herod a sih khit ciangin Egypt gama om Josef kiangah Topa’ vantung mi khat hong kilang a, 20 “Naupang a that nuam mite si khinta ahih ciangin kithawi in la, naupang leh a nu tawh Israel gamah ciah un,” a ci hi. 21 Josef zong kithawi-in, naupang leh a nu tawh Israel gamah a ciah uh hi. 22 Ahi zongin Arkhelaus in a pa Herod’ za laihin Judea gam uk mahin a omna thu a zak ciangin tua gamah Josef ciah ngamlo hi. Tua ahih manin a mang sung mahah a kihilna bangin Galilee gamsungah lutin, 23 Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun’na dingin hih bangin a piang ahi hi.
Matthai 2:19-23
Hih unit sung ah a dang sinna te:
- Vantungmi Gabriel in Zeisu suah nading thu Mary tungah gen, Luka 1:26-38
- Mary kiangah vantungmi Gabriel hawh hi, Luka 1:39-40
- Elizabeth kiangah Mary hawh, Luka 1:41-45
- Mary in Pasian tungah phatna lasa, Luka 1:46-56
- Joseph mang sungah vantungmi khat kilang, Matthai 1:18-25
- Bethlehem khua ah Joseph pai, Luka 2:1-4
- Mazih lano tung tuang in Joseph tawh khualzinna, Luka 2:5
- Naungek no Zeisu hongsuak, Luka 2:6-7 leh Mate 1:18-25
- Tucing te’n encik uh hi, Luka 2:8-12 leh Luka 15-20
- Vantung mite’n hong suak Zeisu hang in Pasian phat uh, Luka 2:13-14
- Zeisu ni 40 a cin ciang in Biakinn pi ah vaap na, Luka 2:22-24
- Simeon in Zeisu thupha pia, Luka 2:25-35
- Kamsang nu Anna, Luke 2:36-38
- Mipil thum te Zeisu zong dingin nisuah na lam pan khualzin uh , Mate 2:1-2
- Mipil thum te Herod kiang ah vahawhna, Mate 2:3-8
- Mipil thum ten aksi pi zui uh, Mate 2:9-10
- Innsung ah Zeisu naungekno khat, Mate 2:11-12
- Joseph in Zeisu Egypt gam ah taikhiatpih, Mate 2:13-15
- Herod Mangpipa- Zeisu thahding asawm masak na, Mate 2:16-18
- Egypt gam pan Nazareth khua hong ciahkik na, Mate 2:19-23
- Kum sawmleh kumnih apha Zeisu thu, Luka 2:41-52
- Singlamteh hongpai laiding hi, Luka leh Mate sung ah sim in