Vancungmi Gabriel nih Mary cu Jesuh chuahnak kong a chimh

Miriam, asiloah Mirang holh in kan auhmi Mary cu Nazareth khua ah a ummi Pathian a biami Judah mi a si. Vancungmi Gabriel nih Mary cu nau ka ngei lai, cun Jesuh ka auh lai tiah a ti. Elizabeth, a cousin, cu cu lio ah cun thla ruk chung nau a pawi. Mary nih vancungmi bia a leh tikah, Cungnung Bik Pathian sal sinak sal tiah aa ti. “Keimah cu Bawipa sal ka si.”

Sal timi biafang cu, Greek holh in, a sullam cu: hrenmi sal tinak a si.
Hebrew holh in Gabriel nih a sullam cu: Pathian cu a thawng.

Pathian nih a tuah dingmi thil hna kha minung sinah thanh awkah vancungmi hna kha a hman hna. Tahchunhnak ah: Biathlam cauk chung i Abraham, Daniel le Johan.

Luka dal 1:1-2:52 & 3:21-38
Matthai dal 1:1-25 and 2:1-23

nulei Relnak: – Jesuh Chuahnak kong Chimchungmi
26 Elizabeth pumlawnglo in a um thla ruknak ah, Pathian nih vancungmi Gabriel cu Galilee ram khua pakhat Nazareth timi ah cun a thlah. 27 Siangpahrang David hrinsor a simipa Josef an timi he kan i ṭhi lai tiah bia aa kammi ngaknu kha bia na va chimh lai tiah a fial. Cu ngaknu cu a min ah Mary a si. 28 Vancungmi kha a sinah cun a ra i. “Na cungah daihnak um ko seh. Bawipa cu na sinah a um i thluachuahnak tam piin an pek,” tiah a ti. 29 Vancungmi bia kha a theih tikah Mary cu a lau ngaingai i a bia kha a sullam zeidah a si hnga tiah a khuaruah a har. 30 Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih. 31 Nau na pawi lai i fapa na hrin lai i a min ah Jesuh na sak lai. 32 Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i 33 Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti. 34 Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti. 35 Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai. 36 Hi hleiah na rualchan Elizabeth kha a tar leiah fa a pawi i a cing ti i rak ti tawnmi kha atu hi a thla ruknak a si cang, 37 zeicahtiah Pathian nih a tuah khawh lomi thil zeihmanh a um lo,” tiah a ti. 38 Mary nih a thawh i, “Kei cu Bawipa salnu ka si ko, na chim bang cun ka cungah si ko seh,” tiah a ti i vancungmi nih cun a kaltak.
Luka 1:26-38

Thawngpang tam deuh:

Gabriel cu Baibal ah min langhtermi vancungmi pathum lawng lakah pakhat a si.

A dang pahnih cu Mikhael, amah zong Pathian a biami le Pathian a doh i a donghnak zeidah a si lai ti kan hngalhmi Satan an si. Vancungmi phu tampi an um, Cherubim le Seraphim hna bantuk in.

Cherub cu Hebru holh ah Cherubim pakhat lawng a si, Seraph cu Seraphim pakhat lawng a si bantuk in.

Hebru holh nih biafang pakhat a donghnak ah “im” a chiah i biafang cu pathum asiloah a tam deuh caah a si, cuka ahcun Mirang holh nih a donghnak ah “s” a chiah tawn i biafang kha a tam deuh a siter.


Hi module chung i hmanthlak dang hna: - Other slides in this module: