Simeon nih Jesuh cu thluachuah a pek

Simeon, a dikmi nunnak a ngeimi le zumhnak ah a fekmi pa cu, Biakinn ah a um lengmang i, Judah zumhnak ah a biapi bikmi chimchungmi thil cang dingmi – Judah Messiah rat lai kha a hngah peng. Josef le Mary cu Baibal cauk panga chung i Moses Nawlbia ningin Jesuh fater in tlanhnak le a nu Mary thianhnak caah Jerusalem Biakinn ah an um. Simeon nih ngakchia Jesuh cu a ton i thluachuah a pek, Pathian nih Simeon sinah bia a kamhmi tlinternak caah. Cu caan ahcun Simeon cu a tar ngaingai cang. Amah cu a no deuh lio tein Pathian nih a thih hlanah Judah mi Messiah cu a hmuh hrimhrim lai tiah a rak ti. Simeon nih Jesuh cu a hmuh tikah a pom i Pathian cu a thangthat. Simeon nih Jesuh le a nunnak tinhmi kong he pehtlai in chimchungbia le a tthawngmi chimchungnak bia a chim. Cun caang 29-32 le caang 34-35 in a tanglei relmi zong zoh. Hebrew holh in Simeon timi cu: theih asiloah ngaih tinak a si. Hebru holh in Messiah timi biafang le Greek holh in Khrih timi biafang cu: Chiti thuhmi tinak a si.

nulei Relnak:
25 Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i 26 Thiang Thlarau nih cun Bawipa biakamhmi Messiah na hmuh hlanah cun na thi lai lo, tiah a ti. 27 Thlarau nih a hruainak thawngin Simeon cu Biakinn chungah cun a lut. Ngakchia Jesuh cu a nu le a pa nih, phung nih tuah awk a si tiah a tining in, Biakinn chungah an run luhpi tikah,S 28 imeon nih cun a rak pom i Pathian cu a thangṭhat i: 29 “Nihin ah hin, maw Bawipa, nangmah nih na salpa cu dai tein ka rian na ka limter cang, Atu cu nangmah na biakamnak kha a tling cang. 30-31 -Zeicahtiah miphun vialte zohchih in khamhnak ding na rak timhmi cu ka mit hrimhrim in ka hmuh cang; 32 Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti. 33 Simeon nih ngakchiapa kong a chimmi nih cun a nu le a pa kha an lung a sukhai ngaingai hna. 34 Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i 35 an dohnak thawng cun mi tampi an lungthin chunglei kha a lang lai. Cun ngaihchiatnak nih vainam bantukin na lungthin kha a chunh lai,” a ti.
Luka 2:25-35
Nambar 8:17 le Nambar 18:14-19 zong rel.


Hi module chung i hmanthlak dang hna: - Other slides in this module: