7 days of creation, Piancilna 2:4-3:24

Level3 Featured Image NOT SET

Adam le Eve
2:4 Hih in vante le lei a kipian-sak lai-a piansak zia ahi hi.
TOPA, Pasian in leitung le vante a bawl lai – 2:5 leitung c ah guah zusak nai loin leitang ah nasem ding mi om lo a, gamlak singteh sawlbawkte leitung d ah dawkkhia nai loin, gamlak lopate a menkhiat ma, 2:6 ahi hangin TOPA Pasian in lei maitang buppi kawtsak dingin ciktuite e phulkhiasaka- 2:7 TOPA Pasian in leitang vui panin mi f bawla a nak vang sungah nuntakna huu muamin mi pen a nungta khat suak hi.
2:8 Tu in TOPA Pasian in nisuahna lam Eden ah huan khat bawl zo hi;Tua munah a bawlsa mipa koih hi. 2:9 Tua ciangin TOPA Pasian in a etlawm ding le an a hoih dingin lei panin singkung nam khempeuh posak hi. Tua huan laizang ah nuntakna singkung le sia le pha theihna singkung a om hi.
2:10 Huan a kawtsak gun khat Eden panin luang hi; tua panin gun li-in kakhia hi. 2:11 A masa min Pishon hi a, kham omna Havilah gam bup nawk hi. 2:12 (Tua gama kham hoih hi; sing namtui nai g le onyx suang zong tua lai-ah a om hi.) 2:13 A nihna gun min Gihon hi-a Cush h gambup nawk hi. 2:14 A thumna gun min Tigris hi a, Asshur nisuahna lam dung zui-in luang hi. A lina gun min Euphrates ahi hi.
2:15 TOPA Pasian in mipa la-a Eden huan sung a sem ding le a kem dingin koih hi. 2:16 Tua ciangin TOPA Pasian in mipa thu pia a, “Huan sunga singkung peuhpeuh panin na ne thei hi; 2:17 ahi hangin a sia a pha theihna singkung panin na ne peuhmah kei ding hi; ahang in, tua na nek hunhunin na si pelmawh ding hi,” ci hi.
2:18 TOPA Pasian in, “Tua mipa a tang om ding a hoih kei hi. Ama ading a kituak ahuh khat ka bawl ding hi,” a ci hi.
2:19 TOPA Pasian in leitang panin leitung ganhing khempeuh le huih lak vasa khempeuh a bawl hi. Amah in min a phuah nop peuh a phuah dingin mipa kiangah tuate puak hi. Mipa in nuntakna nei ganhing khempeuh a min a phuah bangbang a min hi pahpah hi. 2:20 Tua ciangin mipa in innsa khempeuh, huih lak vasa khempeuh le gamlak a ganhing khempeuh min a phuak hi.
Ahi hangin Adam i ading a kituak a huh ding om lo hi. 2:21 Tua ciangin TOPA Pasian in mipa ihsipsak a, mipa ihmut kalin a nakguhte j khat la-in a lakna mun satakin dim hi. 2:22 Tua ciangin TOPA Pasian in mipa pana a lak nakguh k numei khatin bawl a, tuanu mipa a puak hi.
2:23 Tua mipa in,
“Tu-in hihin kei guh pana guh,
kei sa pana sa ahi hi;
amah pasal pana kilakhia ahi manin
numei l kici ding hi,” a ci hi.
2:24 Hih thu hangin pasal in a nu a pa nusia in a zi tawh kigawm dinga, amaute sakhat suak ding uh hi.
2:25 Mipa le a zi a nih un a guaktang un om uh a, a zum kei uh hi.

Mihing Pukna
3:1 TOPA Pasian bawlsa gamsa khempeuh sangin gulpi khem a siam zaw hi. Amah in numei kiangah, “Pasian in, ‘Huan sunga sing khatpeuh pan na ne kei un,’ hong ci takpi hiam?” a ci hi.
3:2 Numei in gulpi kiangah, “Huan sunga singte panin a gah ka ne thei ding uh hi; 3:3 ahi hangin Pasian in bel, ‘Huan laizanga sing panin a gah na ne kei ding uh a, zong na lawng peuhmah kei ding uh hi; na hih uh leh na si ding uh hi,’ hong ci mah hi,’ a ci hi.
3:4 Gulpi in numei kiangah, “Na si peuhmah kei ding uh hi, 3:5 ahang in tua na nek uh ciangin na mit uh kihong dinga, Pasian tawh kibangin sia le pha na theih ding uh Pasian in thei hi,” a ci hi.
3:6 Numei in tua singgah a muh ciangin nek dingin limci sa-a, a mit la keei a, pilna zong ngah nuam ahi manin tawmkhat la-in a ne hi. Amah tawh a omkhawm a pasal zong tawmkhat pia-a, a pasal in a ne hi. 3:7 Tua ciangin a nih un a mit uh kihonga, guaktang ahina uh a kithei tel uh hi; tua ciangin theiteh khuituah uh a amau le amau kituamna-in bawl uh hi.
3:8 Tua ciangin mipa le a zi in, tua ni khuadaih hunin huan sunga TOPA Pasian paina huging za uh a, TOPA Pasian muhna pan huan sunga sing lakah bu uh hi. 3:9 Ahi hangin TOPA Pasian in mipa sam a, “Koi-ah om na hiam?” ci hi.
3:10 Amah in, “Huan sungah na gin ka za-a, guaktang a om ka hi manin lau-in ka bu hi,” ci-in dawng hi.
3:11 Tuateh amah in, “Note guaktang na hilam uh kuan hong gen hiam? Nek loh dinga thu kong piak singkung pan ne na hi uh hiam?” ci hi.
3:12 Mipa in, “Kei tawh om dinga na koih numei – amah in singkung pana singgah tawm hong pia-a ka ne hi,’ a ci hi.
3:13 Tua ciangin TOPA Pasian in numei kiangah, “Bang ahia na hih?” a ci hi.
Numei in, “Gulpi in hong khema ka ne hi,” a ci hi.
3:14 Tua ciangin TOPA Pasian in gulpi kiangah, “Hi ci gamtat khin na hi manin,
“Innsate khempeuh le gamsate
khempeuh sangin nang hong kihamsiat zaw hi!”
Na gilpi-in na tal dinga
na nuntak laiteng
leivui na ne ding hi.
3:15 Nang le numei kikal le
nang suan le khak a le
ama suan-le-khakte kikalah kihuatna ka omsak ding hi;
amah in na lutang suzan b dinga,
nang ama khetul na tu ding hi,” ci hi.
3:16 Amah in numei kiangah,
“Nau na suah natnate ka khangsak mahmah ding hi;
na sa mahmah in nau na suak ding hi.
Na lunggulhna na pasal aa hi dinga,
amah in nang hong uk ding hi,” a ci hi.
3:17 Amah in Adam tungah, “Na zi thu mangin, ‘Singkung pan ne peuhmah kei in,’ ci-a kong thupiak ne na hi manin,
“Nang hangin leitang kihamsiat hi;
na nuntak sung khempeuh
gimpi-in na semin na kivak ding hi.
3:18 Nang adingin leitung in lingkungte le kiakte posak dinga
lo sunga kungte na ne ding hi.
3:19 Leivui pana nang hong kila ahi
nungsang lei-a na ciah kik
mateng na tala khua-ul suahna
tawh an na ne ding hi;
leivui na hi manin leivui-ah
na ciah kik ding hi,” ci hi.
3:20 Adam c in a zi min Eve d phuak hi, bang hang hiam cih leh amah a nungtate khempeuh nu a suak ding hi.
3:21 TOPA Pasian in Adam le a zi ading savun puan bawlsakin silhsak hi. 3:22 Tua ciangin TOPA Pasian in, “Tu-in mipa in a sia le a pha thei a, eite khat mah tawh kibang ta hi. Amah in a khut tawh zamin nuntakna singkung pan lo-in ne-a, a nuntak tawntung khak ding kiphal peuhmah lo hi,” ci hi. 3:23 Tua ciangin TOPA Pasian in amah a kilaknasa lei-tangah na sem dingin Eden Huan pan amah hawlkhia hi. 3:24 Mipa a hawlkhiat khit ciangin Eden Huan nisuahna lam panga e nuntakna singkung zuatna lampi cingsaka, cherub-te le nung le mai-a kilek den meikuang namsau a pangsak hi.
Piancilna 2:4-3:24


Hih unit sung ah a dang sinna te: