Zeisu ni 40 a cin ciang in Biakinn pi ah vaap na, Luka 2:22-24

Mawhna pan honghon khia ahi Zeisu – Jew te biakna ngeina thupi ahi mawhna dan lohna in Zeisu ni 40 a phak ciang in Jerusalem Biakinn pi sung ah apna ki nei hi. Mawsi thu kham om bang in ta pasal peuh mah kiap ham tang ding cih thu om khin ahi hi.

Mary in biakpiak na ding tuuno nei lo kha ding hi kici ahih man in thupiakna sung ah vakhu kop khat ahih kei leh kawlgit no nih tawh biak piakna na pia hi.

Tapa u pen te pen zong mawhna dan lohna in ki pia hi cih thu Gamlak vakna 18:14-16 ah ciantak in kimu hi. Mawhna dan loh nang in sumtang manpha shekels 5 ki seh hi.

Zeisu in leitung mi khempeuh a gumkhiat na ding in tuuno bang biakpiakna tawh hong ki pia khia hi.

Zeisu ni 40 a phak ciang in Jerusalem khua ah ki apna nei hi. Bang hang hiam?

Ngeina thupi tampi tak te’ sung pan namnih pen Biakinn pi sung ah ki bawl hi:

Tapa u pen te’ mawhna danlohna ii a man in shekels 5 ahi hi. Paikhiatna 3:2, Gamlak vakna 8:17, Gamlak vakna 18:15-16 ah kimu thei hi.

Nausuak khin a siangtho numei: Mihau te aa ding in tuuno ki zang aa mizong te aa ding in vakhu kop khat a hih kei leh kawlngit no nih ki zang hi. Siampi laibu 12:1-8, Piakhiatna 13:2, Gamlak vakna 18:15-16 ah kimu thei hi.

Zeisu ii khang innkuan sung ah Mate om aa Zeisu ii khang innkuan sisan kinai na ah Luka zong ki hel hi.

Anung laimai tung a thute:

Jesuh, Biakinn-ah Apna

22 Moses Thukham sungah a kigelhna tawh kizui-in Joseph leh Mary a kisian’suah ding uh hun hong tung hi. Tua ahih manin Topa tungah naungek a ap dingin Jerusalem-ah a paipih uh hi. 23 Bang hang hiam cih leh Topa’ Thukham sungah, “Ta pasal masa peuhmah Topa tungah ki-ap ding hi,” ci-in kigelh hi. 24 Topa Thukham sungah a kigelhna tawh kizui-in biakna-in vakhu nih ahi a, kawl vakhuno nih ahi zongin a pia dingin zong a pai uh ahi hi. (en in – Siampi laibu 12.1-8)
Luka 2:22-24


Hih unit sung ah a dang sinna te: